«Жұмыспен қамту - 2020 жол картасы» бағдарламаның ІІ бағыты аясында ауылда кәсіпкерлікті қолдау арқылы жұмыс орындарын құру және тірек ауылдарды дамыту бойынша бекітілген жоспарға сәйкес 2015 жылға 19 азаматқа 56 981,0 мың теңге қаралған. Аталған қаражат «Ауыл шаруашылығын қаржылай қолдау қоры» акционерлік қоғамы арқылы беріледі. Қазіргі таңда 41 азаматтың құжаттары аталған қорға жолданды. Бүгінгі күнге 2013-2014 жылдары шағын несие алып, қайтарылған қаражат есебінен 8 азамат кәсібін жалғастыру мақсатында 18000,0 мың теңге көлемінде шағын несие алды.
Шағын қалаларды дамыту бағдарламасы аясында Қаратау қаласы бойынша 25 азаматқа 67 000,0 мың теңге бөлінді. Мысалы, аталған бағыт негізінде Қаратау қаласының тұрғыны Серикбай Бекмолдаевич Бапахов 2014 жылы өз ісін ашу мақсатында 3000,0 мың теңгеге жылқы малын алып, бүгінгі күні Қаратау қаласын және жақын аймақтарды қымызбен қамтамасыз етуде.
Бұл істе қымыз сауатын арнайы технологияның тигізген пайдасы көп екенін айта кету керек.
Роман ҚЫРЫҚБАЕВ,
халықты жұмыспен қамту орталығының директоры.