Білім жасқа бітеді

Бүгінгі заман-ғылым мен инновацияның заманы. Ал, сол сан түрлі ғылымды меңгеріп, жаңа жобаларды жүзеге асыратын жастарға лайықты білім беру-басты міндет. Ғылым мен инновацияға ден қойған қазіргі қоғамда қол жеткен жетістіктер аз емес.

Әсіресе, бұл бағытқа бет бұрғандардың дені жастар екені қуантарлық жайт.
Жуырда қаламыздағы Ахмет Байтұрсынұлы атын­дағы гимназияның 10 «э» сынып оқушысы Таңшолпан Әуесбек облыстық ғылыми жобада бірінші орынды жеңіп алды. «Көптілді қоғамдағы әлеуметтік-ком­муникативтік жүйе­лер (Жастар арасындағы айтылымдар)» тақырыбында ғы­лыми жұмысын қорғаған жеткіншек тұғыр биігінен көрі­­ніп, рес­публикалық додаға жолдама алды. Таңшолпан­ның бұл жетістікке жетуіне ғылыми жетекшісі, атал­мыш гимназияның қазақ тілі мен әдебиеті пәнінің мұға­лімі Дана Құлтаеваның сіңірген еңбегі зор.