Қоғам дертінің алдын алу

Облыстық ТЖД кадр жұмысы бөлімінің бастығы, өртке қарсы қызмет подполковнигі Н.З.Турабекова және Жамбыл облысы ТЖД «ӨС және АҚЖҚ» ММ кадр жұмысы бөлімшесінің бастығы, өртке қарсы қызмет майоры А.Шахабаеваның ұйымдастыруымен «Нұр Отан» партиясы аудандық филиалының ғимаратында Талас ауданының өртке қарсы қызмет горнизоны қызметкерлеріне құқық бұзушылық профилактикасы, қызметтік тәртіпті қатаң сақтау және ҚР “Сыбайлас жемқорлыққа қарсы күрес туралы” Заңдарын сақтау мақсатында оқу жиынын өткізді.

Еліміздің еңсесін көтерер бастама

Елімізді алға жетелейтін, дамыған 30 ел­дің қатарына қосылуға мүмкіндік беретін, құндылықтарымызды өрістететін «Нақты 100 қадам» бағдарламасы баршамызды жігер­лендіріп, сенімімізді бекіте түсті. Ол жаһанға төнген сын-қатерлердің алдын алуға арналған маңызды құжат деуге де болады. Бұл айқын мақсат, жігерлі құлшыныс, сенімді ұмтылыс жолындағы өзекті бастама болмақ.
Менің аса көңіл бөлгенім, болашағы бір­тұтас ұлт құндылықтарына арқау болған-төр­тінші реформа. Біртұтас ұлт құндылығы «Мәң­гі­лік Ел» идеясына келіп саяды.
Жалпы, Мәңгілік Елді жасайтын-жастар. Жаңарудың бастау көзі-жастарда. Қазіргі жастарымыз имандылыққа жақын, жаны таза, ескі идеологияны көрмегендер. Сондықтан, «Мәңгілік Ел» идея­сын жастарға арналған жаңа идеология деуге болады.
Мемлекетіміздің өзегі де, негізі де-қазақ халқы. Осы мемлекетті құрушы қазақ халқының айналасына еліміздегі басқа ұлттар топтасып, бір мүдде жолында еңбек ете отырып, Қазақстанның дамуына өз үлестерін қосса, нұр үстіне нұр болар еді. Ал, осы мақсатты жүзеге асыруда қазақ халқына зор жауапкершілік жүктелетіні анық. Ал, жастарға артылар жүк одан да ауыр.
Институттық реформалар қоғамдық қатынастар жүйесін түгел өзгертеді. Сондықтан да, халықтың қолдауына ие болып отыр. Сұраныс көбейіп, талап күшейтіледі. Осының бәрі жарқын болашақ жолында жасалып жатқан игі қадамдар.
Аңсаған ИгеновА, ҚазҰУ-дің білімгері.

Нұрлы болашаққа бастар батыл қадам

Елбасы Н.Ә.Назарбаев Үкіметтің кеңейтілген отырысында 5 инсти­туттық реформаны жүзеге асыру бағытын­дағы 100 нақты қадам жүктегені белгілі. Бұл- Қазақстанның әлеуметтік-экономикалық және халықаралық арена­да болашаққа дұрыс бағдар ұстануымыздың кепілі. Атаған бағыттың ІІІ. Индустрияландыру және экономикалық өсім бөлімі бойынша 35-қадам. Ауылшаруашылық жерле­рін тиімді пайдалану мақ­сатымен оларды нарықтық айналымға енгізу. Жер Кодексіне және басқа да заң актілеріне өзгерістер енгізу және 36-қадам. Жер телімдерін мақсатты пайдалану түрін өзгертуге рұхсат алу рәсімдерін жеңілдету. Ауылшаруашылық жерлерін пайдалануға тұрақты түрде мониторинг жүргізу. Барлық пайдаланылмай жатқан жерді алдағы уақытта жекешелендіру үшін мемлекеттік қорға беру деген сөздер назарымды бірден аударды. Рас, ауданымызда шаруамен айналысу үшін қожалықтарға жалға жер берілген болатын. Алайда, тетігін тауып, кәдеге жаратып, кәсіпке айналдырып жатқан шаруа қожалықтары некен-саяқ. Ал, сұраныс білдіріп, іс жасаймын деген азаматтарға шұрайлы жер керек. Ауданымыз мал шаруашылығына қолайлы, шабындық пен суармалы жер аз. Сондықтан, пайдалануға мүмкіндігі жетпеген шаруа қожалықтары жерінің бір бөлігін жұмыс жасаймын деп білек түреніп отырған азаматтарға өткізгені дұрыс емес пе? Одан ешкім ұтылмайды. Керісінше, аудан тұрғындары жергілікті өнімге қол жеткізіп қана қоймай, қосымша жұмыс орны ашылар еді. Жалпы, Ұлт жоспары- 100 қадамның ұтымды тұс­тары көп. Бастысы кедергісіз келешектің жоспары бұл.
Көшпенбет НҰРБЕКОВ,
аудан әкімдігі жер қатынастары бөлімінің басшысы.