Шет елдерден келіп білім алуда

Сейсенбі күні қаламыздағы М.Х.Дулати атындағы Тараз мемлекеттік университетінің А.Шейн атындағы дәріс залында шет мемлекеттен жоғарғы оқу орнына дейінгі дайындыққа келген тыңдаушылармен кездесу өтті.

Кездесуге Тараз мемле­кеттік университетінің бірін­ші проректоры – тарих ғылымдарының докторы, профессор А.Абдуалы, аудан әкімі аппаратының басшысы Қ.Садубаев, аудан әкімдігі ішкі саясат бөлімінің бас­шысы Ж.Жақсылық, аудан­дық ішкі істер бөлімі басшысының орынбасары Е.Рысқұлбеков, аудан әкім­дігі білім бөлімінің сектор меңгерушісі М.Атен және «Талас жастар орталығы» КММ-сі директорының орын­басары Ғ.Тоқмырзаев қа­­тысты. Кездесу шет мем­лекеттен келген тыңдау­шыларға мемлекеттік сая­сат­тың негізгі құндылық­тарын түсіндіру, шет мем­лекеттегі қандас бау­ыр­лардың ұрпағының білі­­мін жетілдіріп, олардың еліміздің жоғарғы оқу орындарына түсуіне ық­пал ету мақсатында ұйым­дастырылды. Бүгінде М.Х.Дулати атындағы Тараз мемлекеттік университетінің жанынан ашылған жоғарғы оқу орнына дейінгі дайындық бөліміне Өзбекстан Респуб­лика­сынан 61, Түркменстан Республикасынан 17, Қытай Халық­тық Республикасынан 3, Қырғызстан Республика­сынан 1 тыңдаушы келіп білім алуда.
Кездесу барысында жо­ғар­ғы оқу орнына дейінгі дайындық бөлімінің басшысы М.Таубаев тыңдаушыларға қонақтарды таныстырып, дайындық курсының негіз­гі бағыты жайында түсін­дірме жұмыстарын жүр­гізді. Сонымен қатар, жиын­ға қатысушылар әр­бір сала бойынша кел­ген тыңдаушыларға өз тарап­тарынан берілетін көмектер жайлы әңгімеледі және ауданда өткізілетін мәдени көпшілік шараларға белсене араласуға шақырды.