Сайлауалды тұғырнамасының негізгі бағыттарымен таныстырды

ҚР Президенттігіне кандидат Тұрғын Сыздықов еліміздің өңірлерін аралап, сайлаушылармен кездесулерін жал­ғастыруда

Астана қаласында ҚР Президенттігіне кандидат Т.Сыздықов пен республикалық сайлауалды штабтың жетекшісі А.Қоңы­ров кезектен тыс сайлауды бақылау жөніндегі республикалық қоғамдық ко­миссияның өкілдерімен кездесті.
Тараптар сайлауалды науқанының барысы туралы сұхбаттасты, сайлау ко­миссиялары жұмысында қоғамдық бақы­лаудың маңыздылығына тоқталды.
Т.Сыздықов комиссия өкілдеріне штаб жұмысынан хабардар етті, наси­хат материалдарымен таныстырды, ай­мақтардағы шаралар және алдағы жұмыс жоспары туралы айтып берді.
- Қазақстанда сайлау насихатын өт­кізуге барлық мүмкіндік жасалған. Сайлау науқанын жүргізу барысында аймақтық сайлау комиссиялары тарапынан беріл­ген кеңестер мен тиімді заң талаптары, БАҚ-тың мәселелерді толықтай қамтуы, Орталық сайлау комиссиясы тарапынан дайындалған әдістемелік нұсқаулықтар – мұның барлығы сайлау науқанын қалып­ты және келеңсіз өткізуге толық мүмкін­дік береді, – деп атап өтті кандидат.
А.Қоңыров бақылаушылардың наза­рына ҚКХП кандидатының үгіт-насихат материалдары БАҚ-та толық жарық кө­ріп отырғандығын жеткізді.
Сайлау науқаны басталғалы бері БАҚ-пен тығыз қарым-қатынастың нәтижесін­де, 40-қа жуық интернет желілерінде біз­дің кандидатымыз және сайлауалды штаб туралы 100-деген материал және баспа бұқаралық ақпарат құралдарында 20-дан аса мақала жарық көрді.
Жалпы алғанда, сайлау науқаны бас­талғалы республикалық штабтың ұйымдастыруымен Тұрғын Сыз­ды­қов­тың Қазақстанның 5 аумағында сай­лау­шылармен 11 кездесуі өтті.
ҚКХП кандидатының насихат авто­керуені Ақмола, Солтүстік Қазақстан, Қостанай, Павлодар және Шығыс Қазақстанда болды.
Бүгінгі күнде сайлауалды науқанға облыс орталықтарының 203 қалалық және аудандық комитет, 2000 аса бастапқы партиялық бірлестік қамтылған. Аймақ­тық штабтар сайлаушылармен кездесу ұйымдастыруда. Насихат жұмыстары пар­тияның бастапқы өкілдіктерінде қолға алынған.
Кездесу соңында, қос тарап кездесу барысында ашық және пайдалы сұхбат болғандығын атап өтті.
***
ҚКХП ұсынған ҚР Президенттігіне кандидат Т.Сыздықовтың Алматы және Павлодар облыстарындағы аймақтық сай­лауалды штабтары өз жұмыстарын жалғастырды.
Талдықорған қаласында сенімді тұлғалар батыс стандарттарының теріс ықпалы туралы талқыланды.
«Батыс жастары отбасылық құн­дылықтар, дәстүр, бірізділік, үлкендерді құрметтеу сияқты адамгершілік қа­сиеттерге мүлде жат тұтынушылық стан­дарттармен өмір сүріп жатыр. Мұның бәрі рухани нигилизмге үндейтін ашық насихаттың салдары.
Мұндай қоғамда өмір сүретін адам­дардың өмірлік қағидаттары – жалқаулық және материалдық ашкөздік, толық моральдік жауапсыздық», - деп атап өтті Алматы облыстық сайлауалды штабтың жетекшісі.
Батыс қоғамында әлеуметтің одан әрі жеткілікті өрбуі үшін тұлғаның мораль­дік-психологиялық дамуы мойын­далмайды.
Айтылған мәселелердің бастауын ҚКХП жанұялық-туысқандық және ұлт­тық ерекшеліктерді ескермейтін батыс құндылықтарын кең насихатталуынан көреді.
Сонымен қатар, ҚКХП кандидаты Т.Сыздықовтың бағдарламасы Павлодар қаласында талқыланды.
Шетелдік жаттанды тақырыптар БАҚ, кино өнімдер, түрлі танымал ток-шоулар және журналдар арқылы тара­­луда. Алғашқы болып өзінің құндылығын жанұя және неке институттары жоғалтуда.
Жанұялық өмірдің мұндай көлеңкелі жақтары өлшем және тең құқылық ретінде беріліп жат үлгілер мен өмірлік шарттарды көзсіз көшіру адамилықтан ауытқуға, жеке­лей енжарлыққа, азаматтық немқұрайлылыққа әкеледі.
Бүгін буындары қатып үлгермеген әлемнің барлық жастары батыстық киім­дерді киеді, шетел әуендерін тыңдайды, голливудтық фильмдерді және сериалдарды көреді.
Батыс сән үлгісінің ең қауіпті көрі­ністері - компьютерлік ойындар, фильм-блокбастерлер, сапасыз әдебиет арқылы кең таралған зорлық-зомбылық, қаталдылық культтері.
Мұның барлығы – бос уақыт өткізу емес, бұл тұтыну мәдениетінің жалпыға бірдей таралу үрдісі.
***
ҚКХП ұсынған ҚР Президенттігіне кандидат Тұрғын Сыздықов Орал қаласындағы Батыс Қазақстан аграрлық-техникалық университетінде студенттер және оқытушылармен кездесу өткізді.
Кездесу барысында ҚР Президенттігіне кандидат партия жұмысы мен өзінің сайлауалды тұғырнамасының негізгі бағыт­тарымен таныстырды.
«Қазақстанның Коммунистік халықтық партиясы – коммунистік идеяны ұстанатын азаматтардың ерікті бірлестігі.
Біздің жұмысымыз қоғамдық даму­дың тұтас материалистік теориясы ретінде марксизм-ленинизм идеясына негізделіп құрылған.
Біз өз жұмысымызды әділ қоғам туралы марксистік-лениндік түсініктерді сақтай отырып, құруға және осы арқылы әділетсіз тұстарын жоюға тырысамыз.
Соңғы жылдары халықаралық ұйым­дардың диетологтары дабыл қағуда.
Барлық батыс елдері дұрыс өмір салтын қолданбау, тамақтану мәдениетін ұстанбау және фаст-фудтың кесірінен семіздік, жүрек-қантамыр аурулары, қандағы қант деңгейінің өсуі, есту, көру, қол-аяқ жұмысының бұзылуы сынды денсаулық ақауларынан зардап шегіп отыр.
Бүгінде дәрігерлер батыс елдеріндегі тұрғындар арасында семіздіктің өршуін тез тамақтану немесе фаст-фудтың кесірі деп біледі. Фаст-фуд тағамдарының кері әсеріне қарамастан үлкен қалаларда оның тұтынушылары күн санап өсуде. Тұтастай алғанда, фаст-фуд секілді тез дайындалатын өнімдер, газды сусындар – медиа жарнамалардың арқасында әлемге тез таралып кетті.
Түрлі арнайы дәмдеуіштер және тез дайындалатын тағамдарды тұрақты қолдануларына бой алдырту арқылы фаст- фуд тағамдарынан бүгінде қауіп туындауда.
Мұндай тағамдарды сатып алатын және қолданатын әлемнің барлық адамдары, әсі­ресе, жастар батыстық корпорациялардың пайдасы үшін өз денсаулықтарын және өмірлерін қатерге тігуде.
Фаст-фудтың құрамында көптеген кон­­серванттар, ас дәмдеуіштер, бояулар, тағам қоспалары секілді түрлі химиялық қоспалар бар екендігі ғалымдар тарапынан дәлелденді. Сонымен қатар, оның құрамына денсаулыққа зиянды мөлшерден тыс қант және тұз қосылады. Әрбір гамбургердің құрамындағы қатерлі және белгісіз токсин­ді заттар трансмайлар – канцерогендер түрлі қатерлі ісік ауруларына шалдықтырып, адам ағзасын бой алдыртып және біртіндеп улауда.
Т.Сыздықовтың айтуынша, фаст-фудпен қатар тұтынушылардың денсаулығына түр­лі газдалған сусындар да кері әсерін тигі­зуде. Кейбір сусындардың құрамы Мен­делеев кестесін елестетіп, адамның ас қо­ры­ту жүйесінде кері химиялық әсер береді.
Көптеген елдерде фаст-фудтың кесірі­нен туындаған семіздік ауруы ұлтқа төнген қауіппен теңестірілген,-деді Т.Сыздықов.
Адамгершілік, қайырымдылық, сенім, бірізділікті жоғалтудың аз-ақ алдында тұрған адамдар жеке басының өсуі мен дамуына көңіл аудармайды. Сонымен қатар, олар бұқаралық қолданушыларға арналған ме­диа-өнімдерді автоматты түрде қолданатын тұтынушыларға айналады. Бұның қатарына жеңіл өмірді суреттейтін, жалғанға толы және жансыз өнімдерді жатқызуға болады-деді Т.Сыздықов.
Т.Сыздықовтың ойынша әсіресе, ба­тыс­тық мультфильмдер және компьютерлік ойындар көңілге кірбің ұялатады.
Телевизор және гаджеттердің экран­да­рынан тек қана арамзалық, азғындық және мәдениетсіздік төгілуде.
Кездесу соңында Президенттікке кан­дидат Т.Сыздықов студенттер және оқытушылардың кейбір сұрақтарына жауап беріп, өзінің алдағы сайлауалды жұмыс жоспарымен бөлісті.
Одан әрі кездесу барысында об­лыстық сайлауалды штабтың жетекшісі С.Жарылғасымов сөз алып, қысқаша түрде сайлауалды науқанның насихат жұмыстары және іс-шаралар туралы айтып берді.
***
ҚР Президенттігіне үміткер Т.Сызды­қовтың Шығыс Қазақстан және Қарағанды облыстық сайлауалды штабтары өткізген іс-шаралары туралы баяндап берді.
Өскеменде кандидаттың сайлаушы­ла­рымен екі кездесуі өтті. Кездесуде Тұрғын Сыздықов сайлауалды бағдарламасының басты бағыттарымен таныстырды және сұрақтарға жауап берді.
Кандидаттың сенімді тұлғалары тұр­ғындар арасында насихат жұмыстарын жүргізуде.
Павлодар облыстық сайлауалды шта­бының жетекшісі үгіт-насихат науқаны кезінде партияның басты назары батыстық мәдениет пен құндылықтардың кері әсеріне бөлініп отырғанын мәлім етті.
Кандидаттың сайлауалды тұғырнамасы Қазақстан Коммунистік халықтық пар­тиясының идеяларын насихаттап, марк­сизм-ленинизм идеяларына негізделіп құрылған.
Сайлаушылар коммунистердің көз­қарасы, өмірдің мазмұны және ережелері туралы хабардар болуда
Қарапайымдылық және еңбексүйгіш­тік, шашпалық пен ысырапшылыққа жол бермеу нағыз лениншілдерге тән қасиет.
Ұжымдық және бірегейлік партия құрылымының негізі. ҚКХП мүшесі дегеніміз тек өзінің қамын ойламай, жолдастарына көмекке келуге әзір болу, ұжымның мүддесін өзінікінен жоғары қою демек.
Коммунистік партияның мүшесі батыс қоғамының теріс ықпалына бе­рілмеуі керек, қоғамдық идеалдарды батыстық тұтынушылық стандарттар­дың алмастыруы жастарды «тоғышар тұтынушыға» айналдыруы мүмкін.
«Еуропалық елдерде тұтынушылық қоғам құрылымдарының қалыптасуы­нан туындағын батыстық мәдениет дағдарысы батыстық өркениеттің әмбе­бап құндылықтар мен әлеуметтік тұрмыс-тіршілік нормаларына деген наразылықтарына қарама-қайшы келуде,- делінген кандидаттың сайлауалды тұ­ғырнамасында.
Бұл күні Қарағанды қаласында да батыстық өмір құндылықтары туралы сөз қозғалды.
«Батыс жастары отбасылық құн­дылықтар, дәстүр, бірізділік, үлкендер­ді құрметтеу, отансүйгіштік сияқты адам­гершілік қасиеттерге мүлде жат тұтынушылық стандарттармен өмір сүріп жатыр. Мұның бәрі рухани нигилизмге үндейтін ашық насихаттың салдары. Мұндай қоғамда өмір сүретін адамдардың өмірлік қағидаттары – жалқаулық және материалдық ашкөздік, толық моральдік жауапсыздық», - деп атап өтті кездесу барысында сенімді тұлғалар.
Батыстық үлгінің ең негізгі қауіпті көріністері – компьютерлік ойындар, фильм-блогбастерлер, сапасыз әде­биет арқылы кең тараған зорлық-зомбылық, қаталдық культтері. Шектеу­лі тұтынушылыққа тәрбиелейтін жаппай зорлық-зомбылық насихаты жастарды өз торына түсіріп, ақыл-есінен, адамгершілік қасиеттерінен айыруда. Сол арқылы адам өмірі құнсызданып барады.
Кандидаттың хабарлауынша, сананың классикалық әмбебап құндылықтары және әлеуметтік өмірдің шарттары жойылуда.
Батыстың кемшіліктері әсіресе, мә­дениет саласында анық байқалады. Себебі, тұтыну, көп жағдайда, материалдық қа­жеттілікті қанағаттандыруды өмірдің мәні деп қарастырады.
Батыс адамы бірте-бірте адамгершілік құндылықтарын жоғалтуда. Кез-келген әдіспен айналасынан ерекшеленіп, өзіне назар аудартқысы келеді. Батыстық мә­дениет бизнестің бір тармағына, ал, оның басты шарттары шектеулі материалдық құндылықтарға айналды.
Өмірдің мәні материалдық мүдделерін қанағаттандыруға, ал, барлық қоғамдық үрдістер бизнеске бағытталған.
Мықты моральдік негізі, түп тамыры, ұлттық санасы, қандайда бір діни ұстанымдары мен ұлттық рухани идеялары болмаса, ондай елдің болашағы да жоқ.
Батыс мәдениетінің аясында тәр­биеленген адам өмірдің мәнін тұты­нушылықтан іздейді.
Мемлекеттің басты байлығы – оның адамдары. Салауатты, зайырлы ұлт қағи­даттары адамға нәресте шағынан сіңірілуі керек. Балалар тек пайдалы тағамдарды тұтынып, дене шынықтырумен айналы­сып, сезім, сыйластық және құрмет сияқты отбасылық құндылықтарды танып өсуі керек.
Адамдар зияткерлік, білімпаздықтарын жоюда және келешек ұрпақтарының және өздерінің денсаулықтарын құртуда. Жас­тар дәстүрлі құндылықтар мен қоғамдық идеалдарды танып өскенде ғана батыс­тық мәдениеттің ықпалынан құтылады.