Арызымызды қанағаттандырды

Осыдан жиырма жыл бұрын еңбек кітапшамды жоғалтып алдым. Содан кейін жаңа жұмыс орнымнан еңбек кітапшамды қалпына келтірген болатынмын. Жұмыстың әлегімен жүргенімде, оны да жоғалтып алып қолда бар көшірмелерге арқа сүйеп жүре беріппін.

Зейнет жасына жеткенімде аудан­­дық зейнатақы төлеу орталығына құ­жат­тарымды өткіздім. Алайда, бірінші жо­ғалған еңбек кітапшамда көрсетіл­ген жұмыс өтілім есептелмейтінін айтты. Өйткені, аудандық мұрағаттан беріл­ген мұрағаттық анықтамада 1985 - 1996 жыл­­дарда жұмыс атқарған ең­бек өтілім туралы мәліметтер табылмағанын көр­сеткен. Аталған жыл­дары РСУ, ККП «го­рячий цех» және МРСП «АРМАН» меке­мелерінде жұмыс істегенмін. Алайда, кейінрек ол мекемелер же­ке­меншік қол­ға өтіп, соңынан та­рап кеткен. Өзім жұмыс істеген мекемелердің құқықтық жағ­дайын білу мақсатында, облыстық мұрағатқа және әділет департаментіне сұрау жібердім. Бірақ, ол мекемелер ту­ралы деректер табылмағанын айтты.
Қанша жыл тер төккен еңбек өтілімді анықтап, толыққанды зейнетақы алуға құқығым бар екендігін ойлап Талас ау­дандық сотына заңдық маңызы бар фактілерді анықтау туралы АРЫЗ бердім. Азаматтық істі қараған Та­лас аудандық сотының судьясы Л.Дукен­баева істі жан-жақты зерделеп, куәлер­дің берген түсі­нік­темесін тыңдай ке­ле, менің арызымды қанағаттандыру туралы шешім шығарды. Осы мәселені шешуге көмектескен сот құрамына және сол жылдары бірге жұ­мыс істеген азаматтарға уақыттарын бө­ліп, сотқа куәлік етуге келгендері үшін алғысымды білдіремін!
М.Таттыбаев,
зейнеткер