Спартакиада жеңімпаздары анықталды

Қазақстан Республикасы Тәуелсіздігінің 25 жылдығына және 30 тамыз – Конституция күніне орай аудан әкімдігі ішкі саясат бөлімінің «Жастар ресурстық орталығы» КММ-нің ұйымдастыруымен Қаратау қаласының «Кеншілер» саяба­ғында «Ата Заң – еліміздің татулығы» тақырыбында аудан жастары арасында спартакиада өткізілді.

Аталған спорттық шара­ның ашылу салтанатында сөз алған аудан әкімдігі ішкі саясат бөлімінің басшысы Ж.Жақсылық салауатты өмір салтының жастар арасында қалыптасуының маңызы өте зор екенін айта келе, жарысқа қатысушыларға сәттілік тіледі.
Спартакиада барысында Қаратау қаласынан және ауылдық округтерден келген 15 команда волейбол, кіші футбол, арқан тартыс, эста­фета, гір тасын көтеру секілді спорт түрлерінен сынға түсті. Кіші футбол жарысында Қа­ратау қаласының №5 өрт сөндіру бөлімінің командасы үздік ойын көрсетті. Ал, волейболдан аудан әкімдігі білім бөлімінің командасы алға шықса, арқан тартыста Қызыләуіт ауылының коман­дасы бірінші орын­ды иеленді. Балалар мен жасөспірімдер спорт мектебі гір тасын көтеруде өздерінің мықтылықтарын танытты. Сондай-ақ, эстафета жарысында Бостандық ауылы топ жарды.
Спартакиаданың жалпы командалық қорытындысы бойынша төрешілердің ше­ші­міне сәйкес, аудан әкім­дігінің білім бөлімі І орын­ды иеленсе, ІІ орынды ба­ла­лар мен жасөспірімдер спорт мектебінің командасы иеленді. Ал, Қызыләуіт ауыл­дық ок­ругінің командасы үшінші орынға табан тіреді.
Ойынның соңында жеңім­паздарға кубоктар, бағалы сыйлықтар мен дипломдар табыс етілді.
Жазира КӨЛБАЕВА,
«Жастар ресурстық орталығы» КММ-нің бөлім меңгерушісі.