Аудан тауар өндірушілер Алматы жәрмеңкесінде

Алматы қаласында 30 ма­мыр күні ауыл шаруашылығы өнімдерінің жәрменкесі өтіп, ауданның ауыл шаруашылығы тауарын өндірушілері өз өнім­дерін сатты.

Аудан тауар өн­дірушілерін аудан әкімі Болат Рысмендиев бастап барды.
Атап айтқанда- сиыр еті- 1000 келі, жылқы еті - 1000 келі, қой еті-1000 келі, құрт-ірім­шік- 200 келі, қымыз-шұбат - 400 литр.
Бұл өнімдер облыстық ауыл шаруашылығы басқармасы­ның ұйымдастыруымен арнайы салқындатқыш көлікпен және сатушылар да автобуспен тегін жеткізілді. Жәрмеңкеде сиыр мен қой еті 900-1000 теңге аралығында, жылқы еті 1000-1300 теңге аралығында сатылды. Яғни, базар бағасынан 20 пайыз төмен болды.
Жәрмеңкеге өнім­нің бірне­ше түрін алып барған Ақкөл ауы­лынан Рахымбердиев Са­дық­тың «Қарабатыр», Үша­рал ауылынан Берікбаев Әбду­ғалидың «Байымбет - Баба» ша­руа қожалықтары белсенділік көрсетті.

Ауданбек ЕРУБАЙ,
аудан әкімдігі ауыл шаруашылығы бөлімінің басшысы.