Мақсат нақтыланып, міндеттер айқындалды

Набол Қашаған, "Талас тынысы"

«Нұр Отан» партиясы аудандық филиалы ғимара­тында Талас аудандық мәс­лихатындағы депутаттық фрак­ция мүшелерінің қа­тысуымен семинар-кеңес отырысы өтті.

«Нұр Отан» партиясы аудандық фи­лиа­лы төрағасының бі­рін­­ші орынбасары Ғалым Қар­табаевтың төраға­лы­ғы­­мен өткен басқосуда «Нұр Отан» партиясы облыс­тық филиалының заңгері Шора Кенжебаев: - Бүгінгі біз­дің жиналуымыз оқып-үй­рену семинары. Мұн­да туын­даған сұрақтарға жауап бе­ріп, пікірлерімізді ор­­таға саламыз. Бұл атқарар үлкен міндеттер алдындағы се­мина­рымыз. Сондықтан, мақ­­­­са­тымызды айқындап алайық,-деді.
Сондай-ақ, жиын бары­сында сөз алған аудандық мәслихат аппараты құ­­қықтық ұйымдастыру бө­лімінің басшысы Айдос Әуезбеков «Қазақстан Рес­пуб­ликасындағы жергілікті мемлекеттік басқару және өзін-өзі басқару туралы» Заңында көрсетілген мәс­лихат депутаттарының өз өкілдіктерін жүзеге асы­ру кезіндегі құқық­тары, міндеттері мен жауап­кершілігі және депутаттық сауалдар жайында баяндап берсе, «Нұр Отан» пар­тиясы қоғамдық бір­лестігінің аудандық мәс­лихаттағы де­пу­­­таттық фрак­­циясының жетекші­сі Қайрат Серимов «Нұр Отан» пар­тиясы қоғамдық бірлестігінің ау­­­­дандық мәс­лихат­тағы депутаттық фрак­циясы; фрак­цияның негізгі функ­циялары мен құзіреті, оның қызметін ұйымдастыру және құры­лымдарымен өзара іс-қимыл тәртібі, ынтымақты дауыс беруі туралы әңгімеледі.
“Азаматтардың өтінішін қарау туралы” Қазақстан Республикасының Заңы, қо­ғамдық қабылдау бөлмелері қызметінің стандарттары туралы «Нұр Отан» партиясы аудан­дық филиалының кон­суль­танты Әйгерім Мыр­заева: - Халықпен өза­ра іс­-­қимыл тиімділігін жақсарту, түсіндіру жұ­мыс­та­­рын күшейту, сон­дай-ақ, азаматтардың проб­­лемаларын шешу сапа­сы мен нәтижелігін артты­ру мақсатында пар­тия­­ның қоғамдық қабылдау бөл­­­мелерінде қабылдау­ларды, оның ішінде, барлық дең­гей­дегі мәслихаттардағы пар­тия фракциясының құрамындағы партия мүше­лері - күнтізбелік жыл ішінде кемінде 4 жеке және өздерінің сайланған округтерінде кемінде 2 көш­­пелі қабылдау өткізеді,-десе, аудандық мәслихаттың депутаты Докторбек Мәсел­беков: - Партияның ішкі тәртібін қадағалауымыз ке­рек. Барлығы осыдан бас­талады. Тек жүктелген мін­детімізді атқарып ғана қоймай, партияның беделін өсіру, көтеру жолында еңбек етуіміз қажет. Жергілікті атқарушы билікпен біріге отырып, сайлаушылармен жиі­рек кездесу жасауымыз тиіс. Сол арқылы біз талап-ті­лек, арыз-шағымдарға жауап береміз, - деді.
Ал, өз кезегінде баян­дамашы «Нұр Отан» партиясы аудандық филиа­лының консультанты Бекзат Әсембеков аудандық мәсли­хаттағы депутаттық фракция мүшелерінің 2016 жылға арналған жұ­мыс жоспары және фракциясының медиа-жоспары жайын сөз етті.
Семинар - кеңесті қо­ры­тындылаған Ғалым Тама­бекұлы: - мәслихат депу­таттарының халық­пен атқарған жұмыстарын сайттарға шығаруымыз керек. Олардың істерін насихаттау арқылы біз партия­ның да беделін көтереміз. Алдағы 5 жыл ішінде жүктелген міндет­терді атқара отырып, бағдарламаларға ықпал жасаймыз,- деп жиылғандарды ынтымақпен тірлік жасауға шақырды.