Өнер-мәдениет өлшемі

Өнер-халықтың өт­ке­ні мен бүгіні және болашақ ұрпағын тарихи біртұтастықта, мызғымас бірлік пен ажырамас тату­лықта тоғыстыратын қасиет. Ол адамның жа­нына жарық құяды, қиялына қанат бітіреді.

Аудан әкімі Болат Рысмендиевтің ауыл әкімдері мен мәдениет саласы қызметкерлеріне берген тапсырмасына сәйкес, аптаның әр жұ­ма­­сында ауыл-аймақ өнерпаздары аудан орта­лығында гала концерт беруге тиісті. Қазақстан Республикасының 25 жыл­­дығына орай ұйымдастырылған шара жастарды алғашқы кезекте өнер сүюге ша­қыру болса, екіншіден, көпшілікке сергек көңіл мен тиімді демалыс сыйламақ.
Орталық саябақта Ақ­көл ауылының өнерпаз­дары алғашқы болып, қала тұрғындарына концерттік бағдарламасын ұсынды. Шараның ашылу салтанатында сөз алған Болат Қанатбайұлы: - Өнер руханияттың не­гізі, татулықтың тіре­гі. Әнде өткеннің даналығы жатыр. Ол тыңдарманның жүре­гіне жан бітіретін, кең тынысты өрнегімен қым­бат. Біз өнер арқылы елді бірлікке бастаймыз, достыққа шақырамыз. Сондықтан, әр адам өнерді сүюі қажет. Бүгін Ақкөл ауылының өнерлі азаматтары келіп отыр,-деп өнерпаздардың шығармашылығына табыс тіледі.
Мұнан соң Ақкөл ауылы мәдениет үйі қыз­меткерлері мен балалар өнер мектебінің мұғалімдері жиылғандарға сырлы әуендерін шырқап, есте қаларлық кеш сыйлады.