Сынақтың сын сағаты

Өмір түрлі сынақтар мен биік белестерден тұратыны баршаға белгілі. Алғашқы сынақтың бірі үлкен өмірге жол бастайтын білімді азамат болып қалыптасуға жол ашатын білім сынағы.

Биыл, яғни 2015-2016 оқу жылында аудандық білім бөліміне қарасты 27 орта мектептің 24-нен 333 оқушы мектеп бі­тіріп, оның ішінде 287 оқушы немесе 86,1% мектеп бітіруші Ұлттық бірыңғай тестілеуге өтініш берді. Ал, К.Маркс атындағы орта мектептің оқушысы Елжан Қолан Ө.Жолдасбеков атындағы математикадан және механикадан зерт­теу жұмыстары бойынша өткен халық­аралық конкурсының ІІ дә­режелі диплом ие­гері атанып, Қазақстан Республикасы Білім жә­не ғылым министрі Е.Сағадиевтің 25.05.2016 жыл­ғы №335 бұйрығы негізінде ұлттық бірыңғай тестілеуден босатылуына байланысты ҰБТ-ға нақты 286 оқу­шы қатысты. Оның 269-ы қазақ тілінде, 16-сы орыс тілінде сынақ тап­сырды. Қаламыздағы С.Сей­фуллин, М.Әуезов және Көктал ауылындағы М.Жұма­баев атындағы орта мектептерінде бітіруші сыныптар болған жоқ.
Сонымен, тестілеу нәтижесі бойынша орташа 77 балды құрады. «Алтын белгі» төсбелгісіне үміткер 16 оқушының 10-ны өз білімдерін дәлелдеп үмітті ақтады. Атап айтар болсақ, олар: А.Бай­тұрсынұлы атын­дағы гимна­зиядан аудан бойынша ең жоғары 120 балл жинаған Қуаныш Лес пен Әділет Далбай болса, лицейден Мухти Абдиназаров, Інжу Аршынбек, Бауыржан Шы­нарбек, Ш.Смаханұлы атын­дағы мектептен Аружан Жолдан мен Ұлдан Сейтқадыр, Ойық ауылындағы Д.Қо­наев атындағы орта мектебінен Айдана Жам­был, Әсел Тасболат, Аяулым Тасболатова сынды оқушылар «Алтын белгі» төсбелгі иегері атанса, Үздік аттестатқа Ш.Смаханұлы атындағы орта мектептің оқушысы Самал Сергей ие болды.
Сондай-ақ, биылғы жылы ең жоғарғы білім нә­тижесін көрсеткен Ақ­құм ауылындағы Б.Тоқ­тықожаұлы атындағы мек­теп оқушылары. Олардың көрсеткіші орташа 98 балл болды.
Ерлан Рахымберді,
аудандық ҰБТ өткізу жөніндегі мемлекеттік комиссияның хатшысы.