Жастар саясаты-бірінші кезектегі мәселе

Мадина Жарас, "Талас тынысы"

Апта ішінде аудан әкімдігі жанындағы жастар ісі жөніндегі кеңестің кезекті отырысы өтті. Оның жұмысына аудан әкімі Болат Қанатбайұлы Рысмендиев төрағалық етті.

Жиында алғашқы кезекте «Жастар ресурстық орталығы» КММ-нің директоры Нұркен Мырзаев­тың аудан­да мем­лекеттік жастар саясаты­ның 2016 жылдың бірінші жартыжылдығында жүзеге асырылуы туралы баяндамасы тыңдалды.
- Қазіргі таңда аудан жас­тарының саны 14817-ге жетіп, аудан халқының 27,6 пайызын құрап отыр. Жұмыспен қамту мекеме­леріне жыл басынан бері 136 жас жұмыссыз ретінде тір­ке­ліп, бүгінде олардың 293-і тұрақты жұмыспен қам­­­­тылды. «Дипломмен ау­­ыл­­ға» бағдарламасы ая­сын­да үсті­міз­дегі жылға бар­лығы 19 маманға сұраныс бе­­ріліп, оларға рес­пуб­ли­калық бюджеттен кө­тер­ме жәр­дем­ақы алу үшін 7 млн. 653 мың теңге бөлінді, -деген Н.Мырзаев бұдан соң жастар мәселелеріне қа­тысты атқарылған жұмыс­тар­­ толық қамтылғаны жөнінде мәлімдеді.
Есепті баяндаманы мұқият тыңдаған облыс әкімдігі жас­­тар саясаты мәселелері басқар­масының басшысы Еркебұлан Құралбаев «Жол картасы- 2020» бағдар­ламасы бойынша ауылдық аймақтарға бөлінген қаржы есебінен жастар ара­сында жұмыссыздықты жою мен тұрғын үй мәселесі төңіре­гінде атқарылап жатқан жұмыстардың жайын, «Сер­пін» бағдарламасы аясында қол­ға алынған жобалар жай­ын сұрады. Нұркен Мырзаев бұл сұрақтарға нақты көрсет­кіштерге сүйене отырып жауап берді.
Кеңес отырысында мұ­нан соң ауданда жастарды мәдени құндылықтарға тарту мақсатында жүзеге асып жатқан жұмыстар туралы аудан әкімдігі мә­де­ниет және тілдерді дамыту бөлімінің басшысы П.Оспановтың, Кеңес ау­ыл­дық округінде мемле­кеттік жастар саяса­ты­ның орындалуы туралы осы ауылдың әкімі Б.Дуанбек­тің, Аққұм ауыл­­дық округінде жас­­тар саясатының жү­зе­­­ге асуы жайында «Жас­­­­­тар ресурстық ор­та­­лығы» КММ-нің Ақ­құм ауылдық округі бой­ынша аға кеңесшісі А.Жамбайбековтің баянда­масы тыңдалды.
Жастар арасындағы кезек күттірмейтін келелі мәселелер сөз болған жиында облыс әкімдігі жастар саясаты мәселелері басқармасының басшысы Е.Құралбаев бүгінге дейін толық шешімін таппаған жастар арасындағы жұ­мыс­сыздық, қылмыс, ді­­­­ни мәселе, тұрғын үй мәселесіне кеңінен тоқталды. Еліміздің барлық аймақтарында құрылып, жаңа құзыреттілікке ие болған «Жастар ресурстық орталықтарының» жұмы­сы жайында тарқатып айтты.
Жиналғандар тарапы­нан берілген ұсыныстар мен сұрақтар назарға алынды.