Үйірлі шегірткелердің қауіпі зор болып тұр

Биылғы жылы аудан көлемінде үйірлі шегірткелердің (марокко шегірткесі) көшіп-қонуы өте үлкен көлемде болып тұр.

Өйткені, үстіміздегі жылы ауа райы шегірткелердің өсіп-өнуіне қолайлы жыл болды деп болжамданады. Алғашқы уақыттарда (мамыр айының басында) көрші жатқан Жамбыл, Байзақ аудандарында олардың үлкен ошақтары өршіп кетуінен бүгінгі күндері біздің ауданымыздағы Аққұм, Бостандық, Шәкіров, Ақкөл ауылдық округтеріндегі егістіктер мен жайылымдықтарға және көкөніс бақшалықтарға түсіп, үлкен зиян келтіруде.
Қазіргі уақытта оларды құртып жоюға екі трактор, арнайы жабдықталған екі автомашина және авиация көмегі пайдаланылып, мамандар, жұмысшылар еңбек еткенімен, әлі де қаупі азаймай отыр. Сондықтан, ауыл тұрғындары, егіспен айналысып отырған диқандар, өз жерлеріңізге шегірткелер ұшып келіп, қауіп төндірген жағдайда ауыл әкімшілігіне тез хабарласып, арнайы дүкендерде сатылатын химикаттарды пайдаланыңыздар.
А.Сейтқасымов,
ҚР АШМ АӨК МИК «РФДжБӘО» РММ Талас аудандық филиалының басшысы.