Оқу орны-"Білім саласының көшбасшысы"

2016 жылғы мамыр айында Қазақстан Республикасында «Сауда – өнеркәсіп рейтингі» ЖШС пен Ұлттық бизнес рейтингі ұйымдастыру комитетінің шешімімен «Қазақстан Республикасының дамуына қосқан үлесі және білім саласындағы ерекше жетістіктері үшін Қаратау гуманитарлық – техникалық колледжі өткен жылдың қорытындысы бойынша «Білім саласының көшбасшысы - 2015» Ұлттық сертификатымен марапатталды.

Сонымен қатар, оқыту­шылар Алмас Ильясов, Әлия Шуленбаева, Салтанат Даулетова «Жыл маманы - 2015» Ұлтық сертификаттарымен мара­пат­талынса, ардагер оқыту­шы Серік Әбдібеков, директордың оқу ісі жөнін­дегі орынбасары Сәуле Анарбекова және бас есепші Рая Мырзахметова «Кәсіби саладағы сіңірген еңбегі үшін» төсбелгісінің иегері атанды. Колледж директоры, техника ғылымдарының кан­дидаты, Халықаралық ақпараттандыру академия­сының корреспондент мүшесі. ҚР білім беру ісінің құрметті қызметкері Маселбеков Докторбек Манатбекұлы экономикадағы «Даңқ» ордені және «Үздік басшы – 2015» Ұлттық сертификатымен марапатталды.
Колледж ұжымы және аталған оқытушылар мен қызметкерлер көрсетілген ма­дақтауға тұрарлықтай. Се­­бебі, оқу орны өңірдегі колледждердің бірі емес, бірегейі. Бүгінде өзінің дәс­түрі мен тарихы қалыптасқан оқу орнына 50 жыл толды. Білім беру ұйымының соңғы жылдардағы жетістігі тек облыс, республикалық емес халықаралық деңгей­де аталып отыр. Оқу үрді­сінде инновациялық тех­но­логияларды кеңінен қол­данып, білім беру сапасын Халықаралық стандарт талап­тарына сәйкестендіруде жә­не дуальді оқыту жүйесін енгізуде шетелдік оқу орта­лықтарымен байланысып, әріптестік орнатты.
Осы атқарылған іс – шаралардың нәтижесінде, колледж 2015 жылы маусым айында XIV Швейцариялық Халықаралық байқауда «Европалық сапа үшін» бас жүлдесін жеңіп алды және «Алтын үкі - үздік білім беру ұйымы» Құрмет сыйлығымен марапатталды.
Оқу орнының шығар биігі әлі алда дей отырып, бүгінгі колледждің жар­ты ғасырлық мерекесі еліміздің төл мерекесімен, яғни, Тәуелсіздіктің 25 жыл­дығымен үндесін тауып, тұғырымыз биік, іргеміз нық, ел экономикасының қарқынды дамуына сапалы да, білікті және бәсекеге қабілетті мамандар дайын­дауда колледж ұжымы өз үлесін қосады деген сенімдеміз.
Жұмагүл Уртаева,
Қаратау гуманитарлық-техника­лық колледжінің әдіскері.