Аралтөбе, Марынсаз

Дүйсен Молдақұлов, "Талас тынысы"

Диханшылықты кәсіп еткен талас­тық­тар негізінен Арал­төбе мен Марынсаз атырабында ежелден егіншілікпен айналысып келеді.

Өткен жылы осы алқап­ты орналасқан егістіктің әр гектарынан орташа есептен 15 центнерден өнім алған дихандардың биылғы ме­жесі де жоғары. Мұнда қазір Берікқара, Қаратау және Қасқабұлақ ауылдық округінің дихандары дәнді дақылдармен бірге мақсары өсіруді де қолға ала бастаған.
Егінжай алқабындағы жұ­мыстармен танысу мақса­тында аудан әкімі Болат Рысмендиев, орынбасары Қайрат Рахымжанов, аудан әкімдігі ауыл шаруашылығы бөлімінің басшысы Аудан­бек Ерубай, жоғарыдағы ауылдық округ әкімдері жә­не шаруа қожалықтарының төра­ғаларымен бірге ара­лады.
- Жалпы мұнда 3145 гектар күздік бидай, 800 гектар жаздық арпа және 975 гектар мақсары егілген, - деді Ауданбек Ерубай, - қазіргі таңда дақылдардың шығымы жақсы.
Аудан басшысы алғаш «Қасқабұлақ» шаруа қожа­лығының (төрағасы Абдалы Асанов) иелігіндегі алқаптарды аралаудан бастап, одан кейін «Есейхан» (тө­ра­ғасы Жарқынбек Тұрлықұлов), «Майтөбе» (төрағасы Сейсен Ізетбаев) және «Берікқара» (төрағасы Айтбек Қуат­беков) шаруа қожалықтарға тиесілі егін жайдағы егіннің шығымымен танысты.
Белуардан келетін егіннің дәнге толы масағы желмен баяу ырғалып көңілге қуаныш ұялатады.
- Егіннің шығымы жақсы, төккен теріміз зая кетпес деп ойлаймыз, - деді Сейсен ағамыз Ізетбаев.
- Шынында да, өткен жылмен салыстырып қарағанда биылғы егіннің шығымы жоғары көрінеді,-деген Болат Қанатбайұлы келесі кезекте егістік алқаптарында өртке қар­­сы белдеулердің жыртылмағанын қатаң ескертіп, сын те­зіне алды, - бұл қауіпсіздік шарасы тектен текке мін­­дет­те­ліп отырған жоқ. Күні ертең өткен еңбегіміздің зая кетпеуін ойлауымыз керек,-деген аудан басшысы қысқа мерзімде осынау олқылықтың орнын толтыруды тапсырды.
Енді санаулы күндерден соң аса жауапты науқан жиын-терім басталады. Сол науқанда дихандарымыздың қыр­маны қызыл дәнге толсын деп тілейік.