Өзекті мәселелер қозғалды

Аққұм ауылында «Нұр Отан» партиясы аудандық филиалына қарасты бастауыш партия ұйымдарының аудандық семинар - кеңесі өтті.

Бастауыш партия ұйымдарының жұмы­сын жандандыру, тәжірибе алмасу мақ­сатында өткен бұл шараның «Аққұм» бастауыш партия ұйымында өтуінің де өз себебі бар. Өйтке­ні, бұл бастауыш партия ұйымы 2015 жылы өткізілген «Ең үздік бастауыш партия ұйымы» рес­публикалық бай­қауының жеңімпазы атанған болатын.
Партия аудандық филиалының Саяси кеңес мүшелері, бас­­тауыш партия ұйы­мының төраға­лары семинардың бағ­дарламасы бойынша ең бірінші «Аққұм» бастауыш партия ұйымының жеке кабинетімен, істер-номенк­латурасымен таны­судан бас­тады. Семинарға қаты­сушылар осы бастауыш партия ұйымының Бюро отырысына қатысты.
Сонымен қатар, семи­нар-кеңестің негізгі жиыны өткізіліп, оны «Нұр Отан» пар­тиясы аудандық фи­лиалы төрағасының бірін­ші орын­басары Ғалым Қартабаев ашып, жүргізіп отырды. Ғ.Қартабаев: «Нұр Отан» пар­тиясы Талас аудандық филиалының 5270 мүшесі бар. Олар барлығы 113 топтан тұратын 41 бас­тауыш партия ұйымдарына біріктірілген. Бүгінгі күні олардың 28-і жеке кабинетпен қам­тыл­са, қалған бастауыш пар­тия ұйымдарының кабинет мәселесі алдағы уақытта шешімін табатын болады”, – деді. Сондай-ақ, Ғалым Тамабекұлы бастауыш партия ұйымдарының жұмысын жандандыру, олардың жеке кабинет мәселесін шешу, партиялық жарнаны уақтылы төлеу мәселелерін де атап өтті.
Келесі кезекте сөз алған «Аққұм» бастауыш партия ұйымының төрағасы, аудан­дық мәслихаттың хатшысы Арқабек Төлебаев: - “Өткен жылы «Үздік бастауыш партия ұйымы» республикалық бай­қауы өткен болатын. Байқауға республика бойынша 5000-нан астам БПҰ қатысып, оның ішінде, 16 БПҰ іріктеліп алынды. Құрамында 3-тен 100-ге дейінгі партия мүшесі бар санатта «Үздік бастауыш партия ұйымы» номи­нациясы бойынша біз­дің «Ақ­құм» бас­тауыш пар­тия ұйымы І орынды жеңіп алды”, - деп, байқаудың ірік­теу ке­зеңіндегі негізгі кри­терилерін тілге тиек етті.
Семинар - ке­ңес­­­­­те «Аққұм» бас­тауыш партия ұйы­мы төрағасының орын­басары А.Жамбай­бе­ков бас­тауыш партия ұйы­мы жайлы мағ­лұ­маттармен таныс­тыр­са, ал, «Феруза» бастауыш партия ұйы­­мының төрайы­мы Г.Рахымбердиева бас­­тауыш партия ұйымдары жұмы­сы­ның тиім­ді­лі­гін арт­­тыру мәселелеріне тоқ­талды. Жиын соңында «Там­ды» бастауыш партия ұйы­мының төрағасы, партия ардагері Ө.Дүйсенбиев се­минар-кеңестің бастауыш партия ұйымдары төраға­ла­рына оң әсер етіп, олар­дың әрі қарай белсенді жұ­мыс жүргізетініне сенім білдірді және іс-шараны ұйым­дас­тырушыларға алғысын айтты.

Бекзат ӘСЕМБЕКОВ,
“Нұр Отан” партиясы ау­дан­дық филиалының ­консультанты.