Cалауатты һәм сауапты шара

Әлемнің көптеген елдері хазреті Мұхаммед (с.ғ.с) пай­ғамбарымыздың мәулітін атап өту кезінде, оған көптеген салауаттар айтады. Бұл дәстүр біздің елде де кеңінен таралған. Мәуліт-араб сөзі, қазақ тілінде “туған күн” деген мағына береді.Бұл Алла Тағаланың ең сүйікті пендесі, пайғамбарлардың соңғысы, әрі сардары хазреті Мұхаммедтің (с.ғ.с) дүниеге келген айына атау етіп қойылған сөз.

Сондықтан да, әр жылы рабиғ әл-аууәл айын­да адамзаттың сұлтаны Пайғамбарымыз Мұхам­мед (с.ғ.с) мәулітін атап өту қаламызда да дәстүрге айналып келеді.
Осы ұлық мерекеге орай Балалар өнер мектебінде қош келдің «Мәуліт» атты рухани кеш болып өтті.
Жиын басы орталық мешіттің найб имамы Жасұлан Сейдалиев Құран оқып, дұға жасаумен басталды.
Сондай-ақ, саламатты да сауапты шарада аудан әкімінің орынбасары Қайрат Рахымжанов пен облыстық орталық мешіттің найб имамы Ержан Аманбаев жиналған жамағатты Мәуліт мерекесімен құттықтап, ізгі тілектерін жеткізді.
Рухани шараның тізгінін ұстаған Оңтүстік Қазақ­стан өңірінің өнерпаздары Пайғамбарымыз Мұхаммед (с.ғ.с) дүниеге келуі мен есеюі жайлы өлеңдер мен Мекке, Мәдина халқы аңсарлықтардың Мәуліт күні айтатын жырларын көпшілікке тарту етті.
Жиналған жамағатттың жүрегіндегі имандылық­ты еселей түскен бұл басқосуда Қарқаралы жеріне ме­шіт салдырған Құнанбай қажы жайлы кө­рініс көпшілік­тің көңілінен шықса, бүгінгі күннің басты мәселесі бо­лып отырған ерлі-зайыпты жандардың ажырасуына әкеп соғатын менмендік пен түсініспеушілік, тұрмыстағы тәрбие жайы «Отбасы» қойылымында көрініс тапты.
Сонымен, Мәуліт мерекесіне арналған ғибратты кеш жамағаттың жүрегіне мейірім мен имандылық жылуын сыйлады.
Біз де өз тарапымыздан алдағы уақытта да ата-баба дәстүрінен айнымай, асыл дінімізге адал болып, Алланың мейірімен бөлене беріңіздер демекпіз.