Тақтайдай тегіс жол ортақ игілікке айналды

Дүйсен Молдақұлов, "Талас тынысы"

Қазақ хандығының 550 жыл­дық торқалы тойын атап өту қарсаңында таластықтар тағы бір қуаныштың куәсі болды.

Олай дейтініміз, Бөлтірік ше­шен мен Көшек батыр ауылының арасын жалғастыратын жолдың сапасы сын көтермейтін. Талай жылдан бері күрмеуі қиынға айналған жолды жөндеу жұ­мыстары биыл ғана қолға алы­нып, шешімін тапты.
23 шақырымдық аталмыш жолды жөндеуге барлығы 305075,7 мың теңге бөлінген, биылға бөлінген қаражат 206730,0 мың теңге. Қазір осы аралықтағы жол толық жөндеу­ден өтті. Мердігер компания “Арайстроймаркет-2003” жауап­кершілігі шектеулі серіктестігі.
Осы нысанның жөнделіп бітуіне орай аудан әкімі Болат Рысмендиев пен аудандық мәс­лихат хатшысы Жұмабек Әсемов Бөлтірік шешен және Көшек ба­тыр ауылдарының тұрғындарымен кездесіп, қуаныштарын бөлісті.
- Биыл мерекелі де, берекелі жыл болып тұр,-деді Болат Қанатбай­ұлы,-соның бір айғағы ретінде бүгінгі көзайым жаңалықты айтуға болады. Мұның бәрі Елбасымыз­дың сарабдал саясатының арқасын­да елдің игілігі үшін жүзеге асырылып жатқан дүниелер. Сондықтан, осынау жағымды жа­ңалықты өздеріңізбен бөлісуге келдік.
Басқосу барысында сөз алған Бөлті­рік шешен ауылының тұрғы­ны Ибаділда Үйсінбаев, Көшек батыр ауылының тұрғыны Дихан Сейсенбекұлы көп жылдан бергі жол азабын көріп келгендерін, ендігі жерде тақтайдай тегіс жол көпшіліктің ортақ игілігі екенді­гін атап өтіп, осындай қамқор­лық­тары үшін ел ағаларына жү­рекжарды алғыстарын жеткізді.
- Біз өз кезегінде барлық жұ­мысты дер кезіде әрі сапалы атқаруға күш салдық,-дейді мер­дігер компанияның өкілі, жол шебері Ержан Сатыбалдиев,-нә­ти­жесін көріп отыр­сыздар.
Ия, көптің алғысын алғаннан асқан абырой жоқ екеніне біз тағы бір көз жеткіздік...